Без влезни провизии за сите уплати во Генерали инвестментс до крајот на март
Објавено во: Финансии 20 Февруари, 2020
Генерали инвестмент им нуди на клиентите да вложуваат во отворените инвестициски фондови кои ги управува без влезни провизии и тоа до крајот на март годинава. Од компанијата информираат дека тоа ќе важи за сите нови , но и за постојаните вложувачи кои ќе извршат нова уплата или ќе склучат програмиран план со дефиниран износ.
„Сите наши постојни и нови вложувачи кои ќе извршат еднократни уплати или ќе склучат програмиран план со дефиниран износ – Тип 1 за уплати во отворените инвестициски фондови Генерали БРИК, Генерали Нова ЕУ, Генерали Топ Брендови во периодот до 23:59:59 часот на 31.03.2020 ќе бидат ослободени од плаќање влезен надоместок, информираат од компанијата.
Генерали Инвестментс е основана во 2008 година под името КД Фондови. Нејзиниот основен бизнис е управување со средства, односно остварување финансиски приноси во зависност од структурата на управуваните портфолија. Во февруари 2019 година, Друштвото КД Фондови се приклучи кон Групацијата Generali.
Нивните фондови инвестираат во различни инвестициски класи како што се инструменти со фиксен принос, депозити, акции на светските пазари во голем број на различни индустрии.