04 Август, 2020
0.0204

Безбедни училишта – безбедни првачиња, превентивно едукативна акција на на РСБСП и Триглав Осигурување

Објавено во: Мои пари 08 Октомври, 2019

Децата се нашата иднина и нашето најголемо богатство. Детската љубов нема граници, ниту пак нивниот живот има цена. Се грижиме за безбедноста на децата во сообраќајот, тоа е наша привилегија, наша обврска и наш заеднички приоритет - потенцираат од РСБСП и Триглав Осигурување, во најава на новата сообраќајно превентивна акција, насловена како „Безбедни училишта – безбедни првачиња“.

Сликата на гужви и сообраќаен метеж во близина на училиштата и градинките е секојдневие, во кое што живееме. Поради тоа, децата секојдневно се изложени на потенцијални ризици и опасности, кои што ја загрозуваат нивната безбедност во сообраќајот. Заедничка одговорност на сите општествени чинители е да се грижат за безбедноста на децата во сообраќајот и согласно со тоа, РСБСП и Триглав Осигурување повторно ја реализираат акцијата „Безбедни училишта – безбедни првачиња“,  која што е составен дел од кампањата „Безбедни деца во сообраќајот – за безбедна и сигурна иднина“. 

Сообраќајната култура, етиката и навиките на однесување во сообраќајот се учат од најмала возраст. Единствено преку континуирана едукација, преку силни и континуирани сообраќајно превентивни и едукативни кампањи, наменети пред сѐ за децата, може долгорочно и трајно да се унапреди безбедноста на сообраќајот на патиштата. Токму тоа е целта на акцијата „Безбедни училишта - безбедни првачиња“. Фокусот на оваа акција се токму  најмалите, тие кои се најранливи, најнебезбедни, но и најподготвени брзо и ефикасно да учат и да го применуваат тоа што го научиле.   

Акцијата „Безбедни училишта - безбедни првачиња“ започна денес во ООУ „Киро Глигоров“,  во општина Центар  - Скопје, а ќе се реализира во наредните два месеци и во нејзини рамки ќе бидат опфатени  повеќе од 50 училишта, во повеќе од 30 општини. Целта на акцијата е оспособување на децата од прво одделение за безбедно движење до училиштето и назад до својот дом, сообраќајна едукација и нивна поголема видливост во сообраќајот. За таа цел 4.000 првачиња ќе добијат безбедносни флуоресцентни елечиња. 

Покрај флуоресцентни елечиња, во рамки на превентивната акција ќе бидат организирани и едукативни предавања, со цел едукација и запознавање на децата-првачиња со основните правила и прописи во сообраќајот. 

Едукативните настани ќе бидат надополнети со повеќе сообраќајно едукативни материјали – боенки, распоред за часови, сообраќајна лектира и друг едукативен материјал.  Главниот „ јунак“ на настаните ќе биде маскотата „ Кучето пази“, кое има за задача да им  пренесе на децата „тајни“ и корисни совети за тоа како безбедно да учествуваат во сообраќајот,  каде смеат и каде не смеат да играат, како да ја поминуваат улицата, што треба да прават кога се возат во автомобил, итн. 

Републичкиот совет за безбедност на сообраќајот на патиштата и Триглав Осигурување апелираат за безбедно и одговорно  учество во сообраќајот, особено во близина на училишта и градинки и  на сите останати места, каде има зголемено учество на децата во сообраќајот. 

                 „ Безбедни деца во сообраќајот – за безбедна и сигурна иднина“. 


Можеби ќе ве интересира

Дали сакаш да добиеш електричен тротинет?

Дали сакаш да добиеш електричен тротинет?

ХУМАНОСТ: Вработените во Иутекредит даруваа крв

ХУМАНОСТ: Вработените во Иутекредит даруваа крв

Првото издание на Flipbook Film Festival ќе се одржи од 7 до 9 август 2020 година во МКЦ

Првото издание на Flipbook Film Festival ќе се одржи од 7 до 9 август 2020 година во МКЦ

Извлечен среќниот добитник на автомобилот пежо 208 во големата наградна игра на Веро

Извлечен среќниот добитник на автомобилот пежо 208 во големата наградна игра на Веро

Една шолја какао на ден: Благодет за целиот организам

Една шолја какао на ден: Благодет за целиот организам

Кроација Oсигурување AД - Друштво за неживотно осигурување се закити со меѓународен Сертификат за квалитетно управување

Кроација Oсигурување AД - Друштво за неживотно осигурување се закити со меѓународен Сертификат за квалитетно управување

Намалување што не се пропушта: До -70% на колекција пролет/лето ‘20!

Намалување што не се пропушта: До -70% на колекција пролет/лето ‘20!

Зошто да се одлучите за премиум систем за греење и ладење?

Зошто да се одлучите за премиум систем за греење и ладење?

Македонската сликовница „Џиновска продавница за фантазии“ на Бистра Георгиева објавена во Шпанија

Македонската сликовница „Џиновска продавница за фантазии“ на Бистра Георгиева објавена во Шпанија