БЕЗОС СЕ ПОДНОВИ СО „СУПЕРЈАХТИЧКА“ ОД 500 МИЛИОНИ ДОЛАРИ: Конечно му беше предадено кормилото од најголемата јахта на светот

Добивај вести на Viber

Основачот на Амазон Џеф Безос конечно ја доби својата скапа, луксузна суперјахта која го привлече светското внимание. Суперјахтата, која чини 500 милиони долари Безос ја нарачал пред пет години, а му била предадена на новиот сопственик во четвртокот, објави Business Insider, повикувајќи се на публикацијата за јахти Boat International.

Според Boat International, јахтатакоја се вика Кору, е долга 127 метри, и е најголемата едрена јахта во светот, но и најголемата изградена во Холандија. Исто така ова е и највисоката јахта во светот, со висина од 230 стапки, и потребен е екипаж од 40 морнари за да работи. Освен неговата цена од 500 милиони долари, вклучува и годишен оперативен трошок од 25 милиони долари.

Морските испитувања на бродот беа од февруари, означувајќи ги последните фази од изградбата. Изградбата на јахтата, која претходно го носеше кодното име Y721, траеше околу пет години.

Безос, кој се повлече од функцијата извршен директор на Амазон, но продолжува да биде извршен претседател на трговецот на мало за е-трговија, е трет најбогат човек во светот со нето богатство од околу 125,1 милијарди долари, според Форбс.

Освачот на Амазон е добро познат како човек која сака забава - во 2022 година, тој и неговата девојка Лорен Санчез ја дочекаа новата година на суперјахта од 42.000 долари неделно на Карибите.