Бислимоски едногласно избран за претседател на Одборот на регулатори на Енергетската заедница
Објавено во: Економија 05 Декември, 2019
На редовниот состанок во Атина, Претседателот на РКЕ Марко Бислимоски едногласно е избран за претседател на Одборот на регулатори на Енергетската заедница, соопштуваат од регулаторна .
Бислимоски, како што се додава, оваа функција ќе ја извршува во наредните две години и истата како што велат од РКЕ претставува и признание за лидерската улога на Регулаторната комисија за енергетика во реформите во енергетскиот сектор во рамки на Енергетската заедница.
„Претседавањето со Одборот на регулатори на Енергетската заедница од страна на Марко Бислимоски ќе овозможи уште повеќе да се зајакне улогата на Регулаторната комисија за енергетика како една од носечките институции во енергетските реформи во регионот“, велат во соопштението до медиумите од оваа институција.