Битиќи најави дека е можно ново задолжување за четвртиот сет мерки
Објавено во: Финансии 24 Септември, 2020
Дали државата ќе се задолжи повторно? Ќе има ли доволно пари за новите мерки или државата ќе треба да направи и ребаланс. Анализите биле во тек и за ова најверојатно ќе се знае кон крајот на неделава, односно до викендот, потврдува вицепремиерот Фатмир Битиќи.Тој рече дека во државата не е проблем нивото на задолжување. Во финална фаза е подготовката на мерките од четвртиот сет, па ако се позајмуваат пари тие ќе треба да се трошат паметно за нови инвестиции, поддршка на економијата и работните места.
- Во овој момент ги финализираме сите подготовки околу ребалансот на Буџетот и веројатно во петок доцна ќе имаме јасен став што значи капацитетот во овој момент од страна на Буџетот за намалување на расходната страна и ослободување на дел од средствата за четвртиот пакет. Тогаш ќе можеме да одоговориме колку ќе тежи економскиот пакет, но и како во првите три пакети ќе тежи онолку колку што на економијата и на секој еден граѓанин им е потребно. Клучен момент ќе биде одржување на секое едно работно место, потенцира Битиќи.
Македонија веќе позајми пари со еврообврзница.