Битиќи за две недели два пати во Грција, овој пат во Солун со Николовски и Бектеши
Објавено во: Економија 28 Септември, 2020
Вицепремиерот Фатмир Битиќи, вицепремиерот за борба против корупција, одржлив развој и човечки ресурси Љупчо Николовски и министерот за економија Крешник Бектеши, денеска во Солун ќе учествуваат на тркалезна маса на тема: „Регионална енергетска безбедност и соработка", што ја организираат Федерацијата на индустрии на Северна Грција.
Ова е втора посета на Битиќи на Грција откако е назначен за вицепремиер за економски прашања, откако пред десетина дена заедно со премиеорт Зоран Заев, вицепремиерот за евроинтеграции Никола Димитров и министерот за надворешни работи Бујар Османи на 15 и 16 септември учествуваше на грчкиот собир организиран од „Економист“ во Атина.
На истата тркалезна маса ќе учествуваат и државниот секретар на САД, Мајкл Помпео и министерот за развој, конкурентност, инфраструктура, транспорт и врски на Грција, Костис Хаѕидакис.
Според програмата, трокцата македонски владини функционери ќе го посетат и ИКТ технолошкиот парк во Солун и ќе имаат неколку средби со неколку грчки компаниии, соопшти владината прес-служба.