Биткоинот „шпанско“ село за инвеститорите: Не знаат што е „блокчеин“, ниту „копање“ а купуваат криптовалути

Добивај вести на Viber

Бидејќи движењето на цената на биткоинот и достигнувањето на нови рекордни вредности сè уште е меѓу главните вести на многу медиумски куќи, оваа криптовалута привлекува се повеќе инвеститори секој ден.

Сепак, крипто-почетниците не истражуваат долго пред да започнат со копање или да инвестираат во биткоин, открива неодамнешното истражување на софтверската компанија Кардиф.

Податоците собрани од 750 инвеститори во истражувањето спроведено од 5 до 12 февруари, во период во кој цената на еден биткоин порасна од 37 000 на 47 000 долари, покажува дека само 16,9 проценти од инвеститорите кои ја купиле оваа дигитална монета „целосно ја разбираат“ вредноста и потенцијалот на криптовалутата, додека 33,5 проценти од клиентите или не знаат ништо за оваа област или нивното ниво на знаење е „во зачеток“.

Сепак, недостатокот на знаење или разбирање не ги спречи да ја купат таа виртуелна валута.

Истражувањето открива дека повеќе од 40 проценти од сите набавки на дигитални валути потекнуваат од нови инвеститори. Ова делумно се должеше на растечкиот тренд на прифаќање на биткоинот како платежно средство. Во изминатите два месеци, и PayPal и компанијата за финтек Сквер, ја додадоа на нивните платформи за плаќање преку Интернет.

Резултатите од истражувањето исто така покажуваат дека многу нови инвеститори во акцијата биле водени од страв да не ја испуштат можноста за заработка. Повеќе од една третина од испитаниците истражувале дигитални валути помалку од еден месец пред купувањето, а секој четврти клиент рекол дека тоа го сториле во надеж дека ќе профитира на краток рок.

Обемот на инвестиции во криптовалути во јануари годинава беше 23 пати поголем отколку во 2019 година, според Кардиф, каде просечната сума на износот за купување се зголеми на 1.212 долари, во споредба со само 432 долари истиот месец во 2020 година.

Излезот од овој вид инвестиции - односно продажба на крипто средства - учествуваше со 26,8 проценти во вкупните трансакции, што е намалување во споредба со учеството од 43,1 процент во 2019 година, кога еден биткоин вредеше нешто повеќе од 3.000 долари.

Но, не само што метеорскиот пораст на биткоинот привлече нови инвеститори во крипто-сферата, туку и позитивните коментари на јавните личности играа улога.

Од 750-те анкетирани инвеститори, нешто помалку од 180 изјавиле дека гледаат позитивно на доџкоин и сега имаат поголема веројатност да ги вложат своите пари во него, благодарение на бројните твитови на извршниот директор на Tesla, Илон Маск и неговите 48 милиони следбеници.

Всушност, твитовите на Маск за доџо, кои потекнуваат од мемото, помогнаа да стане трета најпопуларна крипто валута меѓу испитаниците, од кои 8,0 проценти ја имаат таа валута. Биткоинот и етериумот, чија комбинирана пазарна капитализација е над еден трилион долари, сè уште се најпопуларни.

Инвеститорите, сепак, немаат целосна доверба во крипто. Повеќе од половина од испитаниците се согласуваат во одговорот дека нивната најголема грижа е загубата на пари поради изразената нестабилност на цените на виртуелните валути, заклучува извештајот на Кардиф.

Извор: србијаданас.рс

Фото: freepik.co,