Битола повеќе не е град без заболени од корона вирусот, Петровска побара дисциплина
Објавено во: Македонија 28 Март, 2020
Битола повеќе не е град без заболени од корона вирусот, откако во изминатите 24 часа беше регистриран првиот случај.
Засега, нема детали за возраста на заболеното лице, ниту за тоа како се заразил. Градоначалничката Наташа Петровска преку видео-обраќање им порача на битолчани да бидат дисциплинирани и да не ја отежнуваат работата на стручните лица.
„Веќе сме град во кој е констатирано присуство на коронавирусот. Да се запрашаме колкумина од нас биле надвор од Битола, колкумина биле во близина на вирусот, колкумина не ги почитувале мерките за непотребно излегување и пиеле кафе по локалите наместо дома. Ова не е битка на етникум, партија, вера, ова не е битка на еден, на неколкумина и на неколку семејства, ова битка на сите нас. Ова е битка на човештвото“, рече Петровска во обраќањето.