Бизнисмени: Новиот закон за перење пари е на штета на стопанството

Добивај вести на Viber

Дури 86 отсто од анектираните компании од Стопанската комора на Северозападна Македонија сметаат дека промените во Законот за спречување на перење пари се на штета на нивниот бизнис. Според нив, намалувањето на сумата до која може да се плати во кеш од 15.000 евра на 2.000 евра ќе ги погоди значајно членките на комората. 

„Овој наод е земен од основ на анкетата реализирана од Канцеларијата за истражување и анализа во СКСЗМ, каде што од резултатите, 86,7 отсто од членките сметаат дека оваа промена на законот ќе биде штетна во правењето бизнис, вели Дрилон Исени, директор на комората.

Исени бара имплементацијата на законот да се пролонгира на неодредено време. Вели дека не се против транспонирањето на Директивата 2015/849 за спречување на употребата на финансискиот систем со цел перење пари и финансирање на тероризам, но сметаат дека Законот, кој стапи во сила на 7-ми овој месец треба да биде во согласност со неа. Тоа рече, не е случај бидејќи Министерството за финансии се определило за порестриктивен пристап за целите кон кои се стреми оваа директива.

- Тука се предвидува забрана за плаќање со готовина на стоки и услуги во износ од 2.000 евра или повеќе, додека во Директивата истата забрана е определена во износ од 10.000 евра или повеќе, рече Исени.

Според него, проблематично во законот е и тоа што со него приредувачите на игри не се обврзани плаќањата на клиентите да ги вршат преку банкарски сметки, што како што потенцира претставува потенцијална опасност за перење пари. Проблем, според него се и високите глоби предвидени за неисполнување на одредбите што се движат од пет до 30 илјади евра.