Бизнисот бара долгорочна програма, Заев на средба кај Азески
Објавено во: Економија 17 Јануари, 2020
Првиот човек на СДСМ, Зоран Заев, попладнево е на средба со претседателот на Стопанската комора на Македонија, Бранко Азески.
Вели дека сака да ги слушне предлозите на бизнис заедницата, а потоа и да ги вметне во партиската економска изборна програма.
Му рекоа дека од идната власт очекуваат донесување национална развојна програма за 2020 – 2030 година, во кој ќе бидат содржани сите нивни барања, како и растовареност од нови обврски до членството на Македонија во ЕУ.
Заев рече дека дијалогот со компаниите продолжува.
„Имаме уште многу да учиме. Свесни сме дека не сме ниту најпаметни, ниту најупатени, а сакаме, низ инклузивен процес да создадеме современа, модерна, дигитална економија и да ги вградиме сите важни, добри искуства на бизнисот кои би можеле да бидат наша водилка во наредниот четиригодишен период“– потенцира Заев.
Заедно со Заев во Стопанската комора беа присутни и претседателите на партиските комисии за финансии и енергетика.