„Блаже Конески“ и „Ремзи Несими“ нови државни награди за македонскиот и албанскиот јазик
Објавено во: Македонија 13 Декември, 2019
Државата ќе востанови и ќе доделува две нови државни награди „Блаже Конески“ и „Ремзи Несими“. Со закоснки измени на ваков начин ќе се оддава општествено признание за особено значајни остварувања од интерес на државата во уште две нови области - наградата Блаже Конески е во областа на македонскиот јазик, а Ремзи Несими е во областа на албанскиот јазик и во албанологијата.
Измените на законот за државни награди се подготвуваат. Моментно, во земјава се доделуваат девет државни награди со кои се оддава општествено признание за особено значајни остварувања од интерес на државата во областа на стопанството, науката, уметноста, воспитанието и образованието, културата, техничката култура, спортот, здравствената, социјалната и хуманитарната дејност, заштитата на човековата околина, заштита на човековите права, публицистиката и новинарството.
Владата доствила Иницијативата на Советот за македонски јазик, со која се предлага да се востанови нова државна награда за одавање на признание за високи стручни и научни достигнувања во областа на македонскиот јазик со која ќе се оддава признание за високи стручни и научни достигнувања од областа на македонскиот јазик во земјата и странство, која се предлага да го носи името на Блаже Конески.
Исто така, Институтот за духовно и културно наследство на Албанците достави Иницијатива со која се предлага да се востанови и уште една нова државна награда за одавање на признание за високи стручни и научни достигнувања во областа на албанскиот јазик и за албанологијата во земјата, која се предлага да го носи името на Ремзи Несими.
А.Т.