Блокиран патот Крива Паланка-Куманово поради протести
Објавено во: Македонија 13 Февруари, 2018
50 вработени во фабриката „Виебо“, го блокираа патот Крива Паланка-Куманово кај местото Грамаѓе поради неисплатени плати, информираат од АМСМ. Патот е блокиран во двата правци.
Работниците го блокираа патот Крива Палнка-Куманово и минатата недела.
На 250 работници кои останаа без работа не им се исплатени три плати ниту пак земале надомест за прекувремените часови работа. Управителката ветила дека работите ќе се средат бидејќи имало заинтересирани две фирми за да ја купат фабриката и дека парите ќе ги добијат во рок од два месеци.
Минатата недела вицепремиерот Анѓушев кажа дека на состојбите во текстилната фабрика и претходи историја на недоразборања меѓу ветеното од минатата влада и реализираното, но решение за излез ќе се најде.