Добивај вести на Viber
Заклучно со април, вкупниот број на блокирани сметки на граѓани и на фирми изнесувал 232 292 сметки под блокада. Новите податоци на Народната Банка покажуваат дека во однос на март, бројот на блокирани сметки се намалил за 13 038 сметки. Доколку се направи споредба во однос на состојбата на крајот од декември, кога биле блокирани 217 178 сметки, податоците покажуваат дека на крајот од април, бројот на блокирани сметки се зголемил за 15 114 нови блокади.
Во анализираниот период се забележува намалување на бројот на блокирани сметки на фирмите, но пораст има кај бројот на блокирани сметки на граѓаните.
Број на блокирани сметки на физички лица 167 306
Број на блокирани сметки на правни лица 64 986
Алармира податокот дека за четири месеци, односно од крајот на минатата година до крајот на април, бројот на блокирани сметки на граѓани се зголемил за 15 762 ново блокирани сметки. Податоците на НБМ покажуваат дека заклучно со април под блокада биле 70 066 граѓани, кои поседуваат 167 306 блокирани сметки во различни банки. На крајот од четвртиот месец, под блокада пак биле 41 736 компании. Во однос на март е регистриран тренд на намалување на бројот на блокирани граѓани и фирми, но во однос на декевмри лани, но и во однос на истиот месец од 2014, се забалеѓува значајно зголемување на бројот на блокади. Еве како се движеше состојбата со блокирање на сметките на граѓаните:
Блокирани физички лица, април 2015 70 066
Блокирани физички лица, април 2014 44 088
Блокирани физички лица, април 2013 33 463
Блокирани физички лица, април 2012 24 950
Ова покажува дека само за три години, бројот на блокирани граѓани се зголемил за 45 116 ново блокирани граѓани. Слична е состојбата и во приватниот сектор, каде од година во година се регистрира тренд на зголемување и на бројот на блокирани сметки и на бројот на блокирани фирми. Во април под блокада биле 111 802 депоненти ( граѓани и фирми). Се работи за блокади поарди конечни и извршни решенија за присилна наплата поради заостанати долгови кон банки, државата итн. На крајот од четвртиот месец имало 3 734 975 отворени сметки и во однос на март е регистрирано намалување на сметките за околу две илајди.
Р.Ф.