Богаташите не престануваат со купување станови во градот кој исчезнува
Објавено во: Свет 12 Март, 2019
Мајами, еден од најпосетените градови во светот, би можел во наредните 80 години во поголем дел да биде под вода, сметаат научниците.
Имено, овој град, кој се наоѓа на помалку од два метри надморска височина, сега се соочува со поплави поради покренување на нивото на морето дури и кога не паѓаат обилни дождови.
Сепак, пазарот на луксузни недвижнини во Мајами цвета, а како што велат тамошните агенти за недвижнини, богатите купувачи не се загрижени премногу од климатските промени и можноста за поплави на делови од градот, барем не доволно да не купуваат нови луксузни апартмани, пишува хрватски Index.
-Нема сценарио според кое Мајами каков што е денес ќе постои на крајот на овој век - смета Џеф Гудел, автор на книгата „Водата ќе дојде: Подигање на морето, градови кои тонат и повторно создаваат цивилизациски свет“.
Процените колку нивото на морето ќе се покрене се разликуваат, но според американската Канцеларија за океанологија, тоа до 2100 година би можело да достигне скоро два метри, значи онолку колку е просечната надморска висина на Мајами.