Богоевски: Одговорност за сите, вклучувајќи ги и оние кои лажеа дека ја делеле нашата борба!
Објавено во: Македонија 15 Јули, 2019
Поранешниот пратеник Павле Богоевски, по денешната прес- конференција на обвинителката Вилма Русковска за апсењето на Бојан Јовановски и Зоран Милески, кои се осомничени дека од осомничен барале 8 милиони евра за да влијаат кај обвинител за прекин на истрага, пишува на Фејсбук дека недостасуваат одговори на неколку прашања.
„Прашања кои треба да бидат одговорени по пресот на ОЈО:
1. Дали Обвинителот на кого осомничените наводно се обиделе (или успеале) да му/и вршат влијание го пријавил случајот по службена должност?
2. Јавниот обвинител одговори дека предистражната постапка е започната по кривична пријава во мај годинава. Дали пријавата е поднесена од органите на прогонот, или од оштетениот?
3. Дали матерјалните докази се обезбедени од органите на прогонот, или од оштетениот?, т.е. Дали органите на прогонот сами го изготвиле предметот, или биле доведени пред свршен чин, во очи на веќе обезбедени докази и ризик истите да излезат во јавност во случај на нивно непостапување?, пишува екс пратеникот.
Тој бара одговорност за сите, вклучувајќи ги и оние кои лажеле дека ја делат нивната борба.