Боки 13 денеска на распит кај Рускоска

Добивај вести на Viber

Бојан Јовановски, првоосомничениот во случајот „Рекет“ денеска ќе биде доведен на распит во Јавното обвинителство за организиран криминал и корупција кај обвинителката Вилма Рускоска, а ќе биде спроведен од истражниот затвор Шутка.

Поранешната специјална обвинителка Катица Јанева откако помина 30 дена во притвор е следна и утре повторно ќе се појави на распит во обвинителството за гонење организиран криминал и корупција.. Таа прв пат ќе се соочи со Вилма Русковска како осомничена во случајот Рекет.

Адвокатот на Боки 13 вели дека распитот ќе се однесува за „Рекет“, само во однос на сомненијата поради кој е во притвор, но не и на други околности бидејќи истрагата не е проширена.

Јовановски, Зоран Милевски и Јанева се осомничени за примање награда, злоупотреба на службена положба и перење пари. Според истрагата, заеднички влијаеле бизнисменот Орце Камчев да биде ослободен од притвор, за што тој платил 1,5 милион евра.

Второосомничениот Милевски веќе даваше исказ,  а според некои информации на медиумите, се бранел со молчење пред обвинителката Русковска.