Бoки 13 тврди дека има лажно Луј Витон обвинение
Објавено во: Македонија 01 Јуни, 2020
Обвинетиот во случајот „Рекет“, Бојан Јовановски денеска за обвинителката Вилма Русковска, кажа дека завршните зборови биле бледи и цитати од филмови, но без докази.
„Да беше жив Бранислав Нушиќ можеше слободно да ги замени неговите дела, „Госпоѓа министерка” со „Госпоѓа обвинителка”, „Сомнително лице” со „Сомнителен сведок”, а „Ожалестено семејство” со „Ожалостена држава”. Зошто? Затоа што сите сме сведоци на еден театар во судницата за оваа постапка. Јас сум имал врска со предметите на СЈО, колку што „Ролинг стоунс“ може да отпеат песна од Гоце Арнаудов“, рече Јовановски.
Тој обвинението го нарече лажно Луј Витон обвинение засновано само врз изјавата на Јордан Камчев.
Вели дека не се вештачи неговиот телефон, затоа што како што рече ќе се види комуникацијата и врската меѓу Сашо Мијалков и тогашниот премиер Зоран Заев. Јовановски тврди и дека чантата Луј Витон на Зоран Милевски ја немал допрено.Завршни зборови утре треба да даде и поранешната специјална обвинителка, Катица Јанева, а потоа ќе следува рочиште за изрекување на пресудата.
Според неа, поранешната специјална обвинителка Јанева уште живее во филмот на „Чарлиевите ангели“, но ги разочарала сите кои во неа верувале.
Во овој процес осуден е Кичеец кој ја призна вината.