Бомбите за наводно мешање на Заев во судската власт, Милошоски ги носи во ОЈО
Објавено во: Македонија 25 Февруари, 2020
Заев бил во дослух со екс шефицата на СЈО, обвини пред два дена пратеникот од ВМРО ДПМНЕ Антонио Милошоски кога на прес конференција објави аудио снимка на која се слуша како екс премиерот Заев наводно се меша во судската власт.
Според најавите, Милошоски , снимките денеска би требало да му ги предаде на ОЈО.
Милошоски ја пушти бомбата, заедно со транскрипт од разговорот, која, како што вели, ја добил од свиркач кој му кажал дека се работи за снимка со висок материјален интерес.
Заев пак, на ова возврати така што рече дека во објавените тонски снимки ја коментира одлуката на Врховен суд за непостапување за предметите од СЈО после јуни 2017 година, состојба со која предметите паѓаа доколку не се изгласаше Законот за јавно обвинителство.