БОРБА СО „БЕЛАТА ЧУМА“: Ќе даваат пари за трето и четврто дете
Објавено во: Балкан 21 Мај, 2018
Србија се активира во борбата со „белата чума“.
Од 1 јули родителите во Србија за трето дете ќе добиваат месечно по 12.000 динари (околу 100 евра) во наредните десет години, а за четврто дете 18.000 динари (околу 150 евра).
Ова го соопшти денеска министерката задолжена за демографија и популациска политика, Славица Ѓукиќ Дејановиќ.
Таа рече дека ќе има законските измени кои го регулираат прашањето на финансирањето, односно Законот за финансиска поддршка на семејството и Законот од сферата на биомедицински потпомогнато оплодување.
„Тоа се мерки кои директно ја ублажуваат економската мерка за воспитување на децата, и тоа третото и четвртото дете. Ако мајката во блиска иднина роди трето и четврто дете, таа ќе има 30.000 динари (околу 250 евра) со цел животниот стандард на третото и четвртото дете да биде како и на првите две“- појасни Ѓукиќ Дејановиќ.
Една од мерките за стимулација која треба да се примени е и таа која се однесува на жените кои родиле дете во постапка на вонтелесно оплодување дека имаат право на уште три обиди на трошок на државата.
Неодамна и српскиот претседател, Александар Вучиќ изјави дека два најголеми проблеми кои го загрижуваат се падот на наталитетот и Косово.
Според некои истражувања, во иднина Србија со намалување на наталитетот ќе има празна територија поголема од Косово.