Бориславова најави формирање на пет работни групи, но бугарската позиција ќе продолжи добро да се брани
Објавено во: Македонија 05 Јануари, 2022
Уште една политичка порака упатија бугарските власти на тема Македонија.
Шефицата на кабинетот на бугарскиот премиер Кирил Петков, Лена Бориславова изјави дека Бугарија е спремна да пружи рака за започнување на конструктивен дијалог со Република Севена Македонија, јави дописникот на МИА од Софија.
Таа вели дека подготовката и организацијата на овој процес е причина за посетата на Скопје на советничката за надворешна политика на премиерот Петков, Весела Чернева на 2 јануари.
Бориславова увери дека бугарската позиција ќе продолжи добро да се брани и аргументира, а постојната рамка ќе се надградува со формирање на пет работни групи кои ќе разговараат на конкретни теми.
Советничката за надворешна политика на бугарскиот премиер Кирил Петков, Весела Чернева, завчера го посетила Скопје.
Како што јави дописникот на МИА од Софија, Чернева била во Скопје по наредба на Петков, за да се подготви претстојната посета на бугарскиот премиер на македонскиот главен град, предвидена за месецов.