Босанските власти ќе ја санираат пештерата на Тито во Дрвар

Добивај вести на Viber

Ќе се санира пештерата на поранешниот претседател на Социјалистичка федеративна република Југославија, Јосип Броз Тито. 

Владата на Босна и Херцеговина денеска одобри 25.000 евра за санација на пештерата која се наоѓа во Дрвар.

Федералното министерство за околина и туризам се обрати за помош до началникот на Општина Дрвар, за да се обезбедат средства за санација на пештерата во рамки на Спомен-комплексот „25 мај”.

Оштетувањата на тој споменик има по силното невреме, кое се случи неодамна.

Во пештерата над Дрвар, еден период во Втората светска војна било сместено седиштето на Врховниот штаб на партизанските единици и нивниот командант Јосип Броз Тито.

Во мај 1944 година, Дрвар беше место на големи битки кога германските окупаторски единици извршија десант со цел да го уништат партизанското раководство, да го убијат или уапсат Тито, на чиј роденден, на 25 мај, е извршен нападот.

Минатиот месец одрон ја оштети дрвената барака што се наоѓа пред неа.

Одронот уследи по неколкумесечните врнежи во тој дел од Босна и Херцеговина, поради кои кон крајот на јануари на подрачјето на Дрвар беше прогласена елементарна непогода.

Пештерата е дел од Спомен-комплексот „25 мај“, кој е еден од главните извори на приходи во општинската каса, но како што тогаш изјави градоначалничката на Дрвар, Душица Руниќ, Општината се наоѓа во многу тешка финансиска состојба и нема средства да ги санира штетите од одронот.

Пештерата годишно ја посетуваат меѓу пет и десет илјади туристи.