Бразил не сака да отстапи муниција за тенковите што Германија и ги испраќа на Украина
Објавено во: Свет 28 Јануари, 2023
Бразилскиот претседател Луис Игнасио Лула да Силва одби на Германија да и продаде тенковска муниција „Леопард“ за пет милиони долари, која подоцна ќе им биде предадена на Украинците, сметајќи дека таквиот потег Москва може да го протолкува како провокација.
Муницијата што Бразил одби да им ја продаде на Германците била наменета за тенковите „Леопард 1“, односно типот што му претходи на моделот што Берлин му го ветил на Киев.
Според Фолја де Сао Паоло, Лула размислувал да побара од Берлин гаранции дека муницијата нема да падне во рацете на Украинците пред продажбата, но подоцна сфатил дека таквото барање ќе биде бесмислено.
Бразилскиот дневен весник оценува и дека потрагата по муниција за постари „леопарди“ е сигнал дека во пакетот воена помош, што Германија го наменила за Украина, има борбена опрема која досега не се споменува.