Британски пратеник почина на операција откако го избодеа во црква
Објавено во: Свет 15 Октомври, 2021
Во Британија почина пратеникот од владејачката Конзервативна партија, Дејвид Ејмс, кој денеска во црква е избоден со нож за време на средба со граѓани во Есекс.
Тој почина за време на операцијата. Ејмс (69), кој го претставуваше западен Саутенд во Есекс е нападнат во Методистичка црква. По нападот полицијата уапси еден маж и објави дека нема да трага по други лица. Британските медиуми пишуваат дека Еjмс бил нападнат за време на состанокот со гласачите. Тие додаваат дека напаѓачот влетал во црквата во последниот час од таа средба и го прободел Eјмс неколку пати. Скај њуз објави, повикувајќи се на изјави на сведоци, објави дека персоналот на брзата помош се обидел да го спаси избодениот пратеник на лице место, но безуспешно. Тој на 12 октомври го најавил состанокот со гласачите на својот Твитер профил.