18 Ноември, 2019
0.0197

Британските власти покренаа тужба против поранешните сопственици на кавадаречки Фени

Објавено во: Мои пари 20 Јуни, 2019

Британската канцеларија за сериозни измами (СФО) покрена тужба против Ана Машкевич, ќерка на Александар Машкевич, еден од тројцата основачи на компанијата ЕНРЦ (ENRC), познати како казахстанско трио, сопственици на „Кунико рисорсис“ (Cunico Resources) кои до пред две години беа сопственици и на кавадаречки „Фени“, а денес ја тужат и Северна Македонија.

Според Фајненшл тајмс, во врска со тужбата во кратката изјава СФО објави дека 36-годишната Ана Машкевич, директор на лондонската ALM Services UK е обвинета во врска со долготрајната истрага за корупција. Во издаденото соопштение се наведува дека истрагата на СФО за ЕНРЦ е во тек и се фокусира на наводите за сериозни измами, мито и корупција во врска со стекнувањето и задржувањето на значителни средства.

Сандеј Тајмс пак објавува дека компанијата ЕНРЦ, во исто време покренала граѓанска тужба против СФО во Високиот суд тешка 70 милиони фунти обвинувајќи ја Агенцијата за грешки во постапката, вклучително и за начинот на постапување со доказите и добивање привилегирани информации, што се покажува како постојана пракса на казахстанското трио, односно секаде каде што се водат истраги и обвиненија против нив за злоупотреби и корупција, казахстанското трио покренува тужби против институциите или земјите каде што се водат овие случаи.

Постапката која ја покрена СФО инаку се однесува на активностите на ЕНРЦ од 2007 година кога таа котирала на Лондонската берза. Многу англиски пензиски фондови инвестирале во групацијата за на крај да изгубат многу пари. Британските медиуми во 2010 јавуваат дека ЕНРЦ била листирана на лондонската берза за метали, акциите биле продадени скапо, а по низа афери, цената на нејзините акции вртоглаво паднала и казахстанското трио евтино си ги купило назад. Од СФО истрага се води и за измама, мито и корупција за зделки во Африка и Казахстан. Британската служба утврдила дека казахстанското трио е познато по зделки со влади на неразвиени земји каде што корупцијата е на највисоко ниво.

Двете фирми на триото ЕНРЦ и ИМР се постојано присутни по судовите во Англија и Холандија со бројни обвиненија за измама, корупција и организиран криминал. Во 2013 година британската влада ги гони за корупција за случаи поврзани со нивни дејности во Африка и Казахстан, а овие случаи се уште се активни.

„ЕНРЦ“  беше обвинет и од канадската компанија „Фрст квантум минералс“ (First quantum minerals) за незаконско преземање на рудник во Конго. Британските медиуми во 2016 година известија дека Владата на Конго го одзела рудникот на канадската фирма, ја продала на фирма во сопственост на претседателот на Конго за 20 милиони американски долари, а потоа оваа фирма го продала рудникот на ЕНРЦ која е во сопственост на казахстанското трио за 175 милиони долари.

Казахстанското трио влезе во „Фени“ во 2004 година. До 2015 фирмите ИМР и БСГР партнерски управуваа со фабриката, но поради меѓусебни недоразбирања поведоа судски спор околу сопственоста и ИМР, сопственост на казахстанското трио стана доминантен сопственик на фабриката со обврска да уплати 60 милиони долари на сметката на „Фени“ и да инвестира во производниот процес. Вработените во фабриката тој период сведочеа дека планираните средства за инвестиции воопшто не се чепнати туку по истекот на гарантниот период, на крајот на 2016 година „Кунико“ си ги подигнале средствата од сметката и покрај огромните долгови, за неколку месеци подоцна, септември 2017 година да го прекинат производство, по што за комбинатот се отвори стечајна постапка. Вработените останаа на улица со неисплатени плати, а повеќе од 250 компании, мнозинството домашни, останаа со неплатени долгови кои изнесуваа речиси 70 милиони евра, а на банкарскиот сектор му се закануваше колапс, заради огромните долгови кон банките што Кунико ги остави зад себе.

Кратко по отворањето на претстечајната постапка за Фени, тогашниот директор Јусуф Миракхмедов, кој како и Ана Машкевич е во семејни релации со казахстанското трио, ја напушта државата, а за него се поднесени повеќе кривични пријави со кои се терети за злоупотреба и измама, а издадена е и меѓународна потерница. Од друга страна пак, слично како и во случајот на британската канцеларија за сериозни измами, „Кунико рисoрсис“ покрена тужба против Македонија пред арбитражниот суд во Вашингтон. Кое е обвинението за државата Владата не откри, но соопшти дека за одбраната ја ангажирале американската адвокатска канцеларија „White & Case“.


Можеби ќе ве интересира

Без вода денеска Бул.Партизански одреди

Без вода денеска Бул.Партизански одреди

Водата за пиење во Скопје е безбедна, тврди ЈП Водовод и Канализација – Скопје

Водата за пиење во Скопје е безбедна, тврди ЈП Водовод и Канализација – Скопје

Се одржа Ендава Tech Flow, настан посветен на DevOps и автоматизирано тестирање

Се одржа Ендава Tech Flow, настан посветен на DevOps и автоматизирано тестирање

КОДЕКС НА ОДНЕСУВАЊЕ НА ВИСКИ ФЕСТИВАЛИ: Уште неколку дена до големиот Skopje Whiskey Fest

КОДЕКС НА ОДНЕСУВАЊЕ НА ВИСКИ ФЕСТИВАЛИ: Уште неколку дена до големиот Skopje Whiskey Fest

ИМУНИКС - Природно и здраво до силен имунитет

ИМУНИКС - Природно и здраво до силен имунитет

Ротаракт Клуб Скопје ја започна еколошката акција „Ротаракт Шума“, со садење дрва во општина Аеродром

Ротаракт Клуб Скопје ја започна еколошката акција „Ротаракт Шума“, со садење дрва во општина Аеродром

Прекин на водоснабдувањето во Студеничани

Прекин на водоснабдувањето во Студеничани

Дефектот во Ченто е саниран

Дефектот во Ченто е саниран

Првото вино од годинешната берба наговестува добра винска година

Првото вино од годинешната берба наговестува добра винска година