07 Август, 2020
0.0205

Брнабиќ: Никогаш појасна порака на САД дека Приштина треба да ги укине таксите

Објавено во: Балкан 08 Февруари, 2020

САД никогаш досега немаа испратено појасна порака како сегашнава, дека е неопходно Приштина да ги укине таксите на стоките од Србија и БиХ, изјави денес премиерката Ана Брнабиќ, истакнувајќи дека покрај преставникот на американскиот претседател, Ричард Гренел, ваква порака испратиле и еврокомесарот за проширување Оливер Вархеји и шефот на дипломатијата на ЕУ, Жозеп Борел.

Како што јави дописникот на МИА од Белград, Брнабиќ за ТВ Пинк изјави дека Албин Курти зборувал различно сè додека не станал премиер и оцени дека тој сега има поинаква одговорност.

-Една е одговорноста кога сте во опозиција, а друга е одговорноста кога сте директно одговорни за односите на Приштина и САД, кажа Брнабиќ изразувајќи надеж дека таксите навистина ќе бидат укинати.

-Ова е одлично за Србите во Косово, за Албанците кои скапо ја платија цената на таа политичка одлука, добро е за целиот регион бидејќи ќе биде повлечена одлуката да се даде националност на бисквитите и млекото. Тоа е добар сигнал за иднината, изјави српската премиерка

Осврнувајќи се на реципроцитетот што го споменува Курти за да бидат укинати таксите, Брнабиќ кажа дека не е сигурна за каков реципроцитет станува збор.

-Политиката на Владата на Србија е целосно јасна, нема тука сиви области, нејаснотии, ние бараме почитување на сите потпишани договори. Бараме почитување на договорот за ЦЕФТА, тука нема двосмисленост, кажа Брнабиќ.

Таа им порача на косовските институции дека доколку не се придржуваат до договорот за ЦЕФТА, имаат на располагање многу начини да иницираат измена на тој договор.

-Но, сè додека не се измени, тој мора да се почитува, тоа е основно во цивилизираниот свет, заклучи Брнабиќ.

Брнабиќ за ТВ Пинк изјави и дека со еврокомесарот Вархеји разговарала за новата методологија за пристапните преговори и за начините како таа да се примени на Србија, бидејќи е направена за Северна Македонија и за Албанија, и кажа дека го споделува мислење со претседателот Александар Вучиќ дека методологијата делува попрактично и прагматично.

-Особено е добро тоа ако можеме да се наградиме за имплементацијата, за реформите, за средствата за инфраструктура, кажа Брнабиќ


Можеби ќе ве интересира

ЦРНА ГОРА ПОВТОРНО НЕ ЈА СТАВИ МАКЕДОНИЈА НА СПИСОКОТ: Листата ја прошири уште за 10 земји

ЦРНА ГОРА ПОВТОРНО НЕ ЈА СТАВИ МАКЕДОНИЈА НА СПИСОКОТ: Листата ја прошири уште за 10 земји

На 52 години почина Исидора Бјелица

На 52 години почина Исидора Бјелица

(ФОТО И ВИДЕО) ПОПЛАВИ, ОШТЕТЕНИ КУЌИ И ВОЗИЛА - страшно невреме во Хрватска

(ФОТО И ВИДЕО) ПОПЛАВИ, ОШТЕТЕНИ КУЌИ И ВОЗИЛА - страшно невреме во Хрватска

(ВИДЕО) Ветер во Хрватска корнеше дрвја и носеше покриви

(ВИДЕО) Ветер во Хрватска корнеше дрвја и носеше покриви

(ВИДЕО) БОШЊАЦИТЕ РЕАГИРАА, СРПСКАТА ВОЈСКА ГО ОТСТРАНИ: Aлбанско знаме се вееше во Санџак

(ВИДЕО) БОШЊАЦИТЕ РЕАГИРАА, СРПСКАТА ВОЈСКА ГО ОТСТРАНИ: Aлбанско знаме се вееше во Санџак

(ВИДЕО) ГРAД СО ГОЛЕМИНА НА ОРЕВ: Невреме во три хрватски градови

(ВИДЕО) ГРAД СО ГОЛЕМИНА НА ОРЕВ: Невреме во три хрватски градови

Авион се урна врз зграда во грчко село

Авион се урна врз зграда во грчко село

Ова е првата хрватска ИТ фирма која достигна вредност од милијарди долари

Ова е првата хрватска ИТ фирма која достигна вредност од милијарди долари

Грците уапсија туристи кои не ги почитувале мерките

Грците уапсија туристи кои не ги почитувале мерките