БРНАБИЌ ЗА ИЗЈАВАТА НА КУРТИ: Се надевам дека меѓународната заедница уште не се изјасни само затоа што е викенд, но за Србија не важи тоа
Објавено во: Балкан 21 Ноември, 2021
Српската премиерка, Ана Брнабиќ денеска изјави дека изјавата на премиерот на Косово, Албин Курти дека во иднина ќе гласа за спојување на Косово со Албанија може сериозно да го дестабилизираат целиот регион.
„Таа изјава е само уште еден камен во поткопувањето на темелите на регионалната стабилност и регионалната безбедност. Таа изјава може да предизвика големи потреси во целиот регион. Политиката на Албин Курти е јасна, што се чини дека тој не ја крие. Она што многу повеќе го загрижува е недостаток на реакции на меѓународната заедница“, рече премиерката.
„Зависи како меѓународната заедница ќе реагира на тоа, но тоа потоа би значело многу пошироки последици за целиот регион, но и за другите региони во Европа и светот. Се надевам дека не се изјаснија само затоа што е викенд, можеби не работат, иако гледаме дека Виола фон Крамон сака да ја критикува Србија и за викенди. Сепак се надевам дека ќе одговорат“, заклучи таа.