Бројот на приведени расте, пред суд пратеници, демонстранти и тврдокорни

Добивај вести на Viber

Голема акција се води за расчистување на крвавите настани од упадот во Собранието на 27 април, па покрај приведувањето на екс директорот на БЈБ Mитко Чавков, полицијата утрово извршила приведување на уште петнесетина лица кои треба да бидат изведен пред суд осомничени за истите дела.

Помеѓу нив се и актерот Владо Јовановски кој беше еден од предводниците на протестите од „За заедничка Македонија“ кој меѓу првите беше во пленарната сала на Собранието, потоа Горан Ангелов – Ќосето од Велес кој е еден од водачите на таканаречените патриотски здруженија кои исто така упаднаа во Собранието и напаѓаа пратеници, приведена е и пратеничката Жаклина Стефановска која се поздравуваше со маскирани демонстранти, пратеникот Крсто Муковски за кој постојат сомнежи дека ги отворил внатрешните механизми од металната врата на Собранието по што толпата многу полесно навлезе во македонското Собрание, како и поранешниот директор на ФЗОМ Саше Стефановски, пратеникот Љубен Арнаудов од Охрид и други.

Се очекува утрово Чавков да биде донесен во Кривичниот суд пред судија за претходна постапка.