Бројот на работници во зоните лани останал стабилен
Објавено во: Економија 26 Јануари, 2021
Во наредниот период Македонија ќе настојува да ги задржи и зголеми странските инвестиции, со цел креирање на нови работни места.
Јован Деспотовски, директор на ТИРЗ во Топ тема на Телма вечерва изјави дека четири компании веќе најавиле проширување. Тој рече дека податоците за бројот на работници во зоните во 2020 година во однос на 2019 година покажале дека тој е стабилен, иако сме во време на пандемија.
„Мерките произлегуваат од дијалози, посебно оние кои се однесуваат за странските инвестиции во државата“, рече Деспотовски.
Тој вели дека преку инвестициите не треба да креираме системска сиромаштија. Напротив, вели дека треба работниците да бидат задоволни од платите. Деспотовски рече дека условите за инвестирање во зоните се исти и за домашните и за странските компании.
„Ни треба подобра технологија, не велам веднаш да имаме роботи“, вели изјави Виктор Мизо, претседател на Асоцијацијата на странски компании со технолошко напредно производство вечерва во Топ тема на Телма.
Мизо рече дека е многу лошо ако имаме компании кои се тука, а прават реинвестиции во соседството.