02 Декември, 2022
0.0224

Бугарија-најсиромашна држава во ЕУ и една од земјите во светот со најбрза депопулација: „Младите бегаат, овде е хаос“

Објавено во: Балкан 29 Септември, 2022

Добивај вести на Viber

Празни ходници и само осум доенчиња во креветчиња. Одделот за акушерство во бугарскиот град Габрово ви кажува се што треба да знаете за драстичниот пад на наталитетот во Бугарија.

„Овде не останаа многу луѓе во репродуктивна возраст. Младите заминаа во големите градови и во странство во потрага по работа“, изјави педијатарот Бистра Камбурова (68) за АФП.

Корупција, немање перспектива и политички кризи

Габрово, стиснато во подножјето на Балканските планини, е симбол на намалувањето на бројот на жители во најсиромашната членка на Европската унија.

Некогаш познат како „бугарски Манчестер“ поради својата силна индустрија, градот изгубил половина од своите жители од 1985 година. Тоа е добро позната приказна низ целата земја.

Корупцијата, немањето перспектива и спиралата на политички кризи, поради што во недела се одржуваат четврти општи избори во последните 18 месеци, ја избркаа разочараната младина.

Аналитичарите предвидуваат дека изборите повторно ќе резултираат со фрагментиран парламент во кој ниту една партија нема да може да формира силна коалиција.

Бугарија за десет години загуби десетина од своите жители и е меѓу земјите во светот со најбрза депопулација.

Сега има 6,52 милиони жители во споредба со речиси 9 милиони во 1989 година. А четвртина од населението е над 65 години.

Пустина

Индустриите во Габрово вработуваа илјадници работници за време на комунизмот, пред фабриките да бидат напуштени поради стечај и приватизација.

Сега е регион со најнизок наталитет и најненаселени села во државата.

„Овде почнав да работам во 1985 година. Тогаш бројот на раѓања сè уште беше доста голем - околу 1.000 новороденчиња годишно“, вели докторката Камбурова, чии двајца возрасни синови се меѓу оние што го напуштиле Габрово.

„Но, фабриките работеа, работеа, работеа“, додаде таа.

Минатата година на месноста Габрово се родиле само 263 деца, кои ги чувала оваа енергична педијатарка, која продолжува да работи иако ја поминала старосната граница за пензионирање и за „мизерна плата“.

„Објаснувањето е едноставно – нема работа, нема млади, нема деца“, вели акушерката Маријана Варбанова.

Многумина од оние што останале со задоволство ќе си заминат.

„Во Габрово уживате во мир и чист воздух, но тоа е пустина во која може да се сретнете само стари луѓе“, вели 23-годишната Христијана Крастева, логопед која неодамна родила девојче.

Нејзиниот сопруг, кој работи како столар, се подготвува да замине во Британија во потрага по подобра иднина за своето семејство.

Стоејќи пред првото јавно училиште во Бугарија, основано во Габрово во 1835 година, гимназијалецот Иво Димитров исто така сака да замине во Западна Европа за да добие „квалитетно образование и нови хоризонти“.

„Тука е хаос“, рече тој, критикувајќи ја негрижата на политичката класа.

И покрај помошта од Брисел откако Бугарија влезе во ЕУ во 2007 година за да помогне во развојните проекти, транспортот и туризмот, на Габрово му требаат се помалку работници.

„Ќе биде потребно време за да се смени тој демографски тренд“, рече аналитичарот Адријан Николов од Институтот за пазарна економија во Софија.

Само 35 луѓе живеат во живописното село Заји од 17 век, на 25-ина километри од Габрово. Покрај мештаните, таму се населиле пензионери од Франција, Британија, Белгија, Русија, Италија и други земји привлечени од поевтиниот живот. Нема гласачко место, а селската продавница е затворена пред многу години бидејќи нема муштерии.

Решивме да пазариме заедно. Се снаоѓаме некако“, вели Марин Крастев, пензиониран електричар, чија ќерка одамна заминала во Германија.

77-годишникот еднаш неделно вози уште тројца пензионери од селото до најблиската продавница.

За да внесат малку радост во нивните животи, старите лица во текот на летото се вклучија во општинската програма наречена „Внуци на заем“, а во рамките на која младите доаѓаат во Заја да го запознаат животот на село.

„Им се радуваа на зајчињата, но и на локални домати и пиперки“, рече со насмевка претседателката на селскиот културен дом Бојана Бонева (75).


Извор: индекс.хр


Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2022 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

Османи ја обвини Русија за злонамерно влијание на Западен Балкан

Османи ја обвини Русија за злонамерно влијание на Западен Балкан

Вучиќ го нарече Курти терористичко ѓубре

Вучиќ го нарече Курти терористичко ѓубре

Koлкави плати земаат Црногорците?

Koлкави плати земаат Црногорците?

Српската „ШЉИВОВАЧА“ светско добро: УНЕСКО го вклучи овој пијалак на листата на светско културно нематеријално наследство

Српската „ШЉИВОВАЧА“ светско добро: УНЕСКО го вклучи овој пијалак на листата на светско културно нематеријално наследство

ПРОФЕСОРКАТА ОД ТРСТЕНИК ОТКАКО УЧЕНИЦИТЕ СЕ ИЗБРКАНИ: Училиштето ќе биде помирно и побезбедно место

ПРОФЕСОРКАТА ОД ТРСТЕНИК ОТКАКО УЧЕНИЦИТЕ СЕ ИЗБРКАНИ: Училиштето ќе биде помирно и побезбедно место

Претресена е јахтата на кумот на Путин во Хрватска

Претресена е јахтата на кумот на Путин во Хрватска

ПРЕД НЕКОЛКУ ДЕНА БИЛ РОДЕНДЕНОТ НА ПРЕРАНО ПОЧИНАТИОТ ДЕНИС - неговиот брат ќе му ги посвети сите победи

ПРЕД НЕКОЛКУ ДЕНА БИЛ РОДЕНДЕНОТ НА ПРЕРАНО ПОЧИНАТИОТ ДЕНИС - неговиот брат ќе му ги посвети сите победи

(ВИДЕО) Две деца во Хрватска имаат имиња од кои сите остануваат без зборови

(ВИДЕО) Две деца во Хрватска имаат имиња од кои сите остануваат без зборови

Соседи пријавиле жител на Пожега затоа што ја истакнал тробојката на поранешната СФРЈ

Соседи пријавиле жител на Пожега затоа што ја истакнал тробојката на поранешната СФРЈ