БУГАРСКА „ПРЕРОДБА“ СЕ ОБРАТИ ДО ЕУ: Бара осуда за изјавите на Александар Николоски

Добивај вести на Viber

„Преродба“ до бугарското Собрание достави предлог-декларација со која бара Европската Унија(ЕУ) да ги осуди навредите кои ги упати македонскиот вицепремиер Александар Николоски. 

Вели дека се работи за „систематското и методично уништување на дијалогот меѓу Република Северна Македонија (РСМ) и Република Бугарија“, ги пренесува агенцијата БТА информациите објавени на веб-страницата на парламентот.  Изјавите на Николоски се оценети како навредливи и провокативни. 

Во нацртот на документот се повикуваат ЕУ и ЕК да внимаваат и да ги отфрлат обичните квалификации на вицепремиерот и министер за транспорт Александар Николоски, „со кои Бугарите ги нарекува „недостојни“, „мизерни“ и „нецивилизирани“,а бугарските политичари – „маргинални“ и „корумпирани“.

Оваа реторика се појави откако месецов, бугарскиот претседател Румен Радев ја пречека македонската колешка Гордана Сиљановска-Давкова без македонско знаме, односно само со две бугарски знамиња. Радев кажа дека оваа посета не била официјална и затоа немало македонско знаме. Инаку, екс бугарскиот премиер Бојко Борисов побара оставка од Николоски. 

Николоски рече дека со тоа што бараат оставка од него, сакаат да ја контролираат Македонија.

фото принтскрин