Бугарски медиуми: Заев им се извини на Бугарите

Обраќањето на Зоран Заев на Фејсбук бугарските медиуми го протолкуваа како извинување до бугарската јавност за коментарот на 4 август за 1ТВ дека „Илинденското востание е македонско востание“

„Гледам во пријателска Бугарија се отвори јавна дебата и се постави дури и прашањето за тоа дали ние двете земји и двата народи градиме ИСКРЕНО пријателство и соработка.

Сакам да им порачам на сите граѓани, дури и на критичарите во Македонија и во Бугарија, да немаат дилема дека пријателството и соработката се искрени.

Драги пријатели и браќа од Бугарија, верувајте, искрено градиме пријателство кое неколку децении наназад беше изгубено. Тоа беше загуба за двете земји. Ние повторно го најдовме нашиот пријател и брат. Да не дозволиме да се враќаме назад. Тоа ни е обврска пред нашите деца. Некогаш можеби не сме доволно внимателни ние политичарите, некогаш правиме и грешки, но ве уверувам дека тоа е само невнимание, затоа што искрено сакаме соработка и пријателство како што тоа го потпишавме во договорот за добрососедство и пријателство“, напиша меѓудругото Заев.

Според 24 Часа, Заев со тоа сакал да му се извини на бугарскиот народ и да покаже дека претхoдните коментари му биле погрешни.и направени од невнимание.

Овој статус на премиерот следува откако премиерот на Бугарија, Бојко Борисов, изјави дека „Се што кажал Заев, оди на негова сметка“