Бујар Османи: Денешен успех на Северна Македонија
Објавено во: Македонија 13 Јуни, 2019
Бујар Османи, вицепремиерот за евроинтеграции, денешната средба со канцеларката Ангела Меркел заедно со премиерот Зоран Заев и министерот за надворешни работи Никола Димитров ја оцени како успешна.
„Денешниот успех на Северна Македонија, во најголем дел, претставува производ на искрената поддршка од страна на Германија, и автентичните напори на Канцеларката Ангела Меркел за интегрирање на Западниот Балкан во ЕУ.
Континуитетот на ова партнерство и во иднина ќе значи зацврстување на европската идеја на Балканот, како основа во изградбата на побезбедна, постабилна и просперитетна Европа“, објави Османи.
Инаку Владата во истовременото соопштение објави дека Берлин ќе даде зелено светло за преговори во септември.