Бујар Османи ќе си купи смартфон па ќе влеземе во ЕУ
Објавено во: Македонија 14 Ноември, 2017
Вицепремиерот задолжен за европски интеграции ја збуни јавноста со неговиот пост на Твитер каде објаснува дека неговиот колега Никос Коѕиас имал модерен смартфон, а тој белешките за следната средба ги внесувал во обичен нотес. Токму затоа сме требало итно да се придвижиме европските вредности и стандарди.
Навистина чудна порака од страна на министерот Османи, дали сака да каже дека навистина нема модерен мобилен телефон, дали самиот не знае да ја користи апликацијата Notes на телефонот или пак тоа што користи обичен нотес е знак за уназаденоста на македонското општество, држава и политика.
Оваа објава привлече лавина на негативни реакции на адреса на вицепремиерот Османи која е проследена со потсмев.
За да не судиме и ние, ќе речеме дека станува збор за лош обид за досетливост и духовитост на Османи, но за следниот состанок со Коѕиас му препорачуваме да ја користи апликацијата Google Keep, Notes или Sticky Notes ако има Android смартфон бидејќи се бесплатни.
Доколку пак, реши да биде уште помодерен и купи iPhone телефон најдобро е да ја користи апликацијата Apple Notes или Simple Notes кои исто така се бесплатни.