Бујар Османи: Не учествувавме затоа што не сме дел од проблемот
Објавено во: Македонија 11 Септември, 2019
Бујар Османи, вицепремиерот за евроинтеграции, денеска рече дека ДУИ немало потреба да учествува на неуспешната лидерската средба за продолжување на судбината на СЈО затоа што владиниот коалиционен партнер „не бил дел од проблемот“.
- Не бевме присутни на состанокот затоа што цениме дека не сме дел од проблемот, рече Османи.
Тој е оптимист дека состаноците помеѓу премиерот Зоран Заев и претседателот на опозициската ВМРО-ДПМНЕ, Христијан Мицкоски, ќе продожат и понатаму и дека не мора стриктно да значи дека рокот за договор е до 15 септември.
- Важно е да го донесеме законот пред октомври, она што се случи синоќа по маратонскиот состанок е можност да се најде начин за решавање на проблемот. Јас сум оптимист дека ќе има начин и политичка волја да се најде решение. Верувам дека овие разговори ќе продолжат во наредниот период и ќе се постигне решение,, додаде Османи.