Бујар Османи: Новата кампања „Тој доаѓа“ не се однесува на премиер или предвремени избори
Објавено во: Македонија 16 Март, 2023
Министерот за надворешни работи Бујар Османи во најавеното интервју за Канал 5 рече дека во деновите што следат ќе биде обелоденето што значи новата кампања на ДУИ со име „Тој доаѓа“.
Османи демантираше дека ова мото значи дека наскоро Македонија ќе го има првиот премиер Албанец и предвреме ќе се оди на парламентарни избори.
- Предвремени парламентарни избори нема да има, има стабилна Влада со зголемено мнозинство за следните предизвици. Избори ќе има во април или мај 2024, рече министерот.
Во моментов ДУИ води паралелна кампања со фракционерската „Огнена група“ пред своите активисти и симпатизери.