Бујар Османи од НАТО-Самитот директно во Венеција за да го брани Законот за јазици

Добивај вести на Viber

Бујар Османи, вицепремиерот за евроинтеграции, по завршувањето на Самитот на НАТО во Лондон, каде што македонската делегација суштински беше рамноправна со другите земји-членки, директоно заминува на сесија на Венецијанската комисија на која ќе го брани ставот дека Законот за употреба на јазиците е добро обмислен.

„На пат за Венеција, на сесија на Венецијанската комисија каде ќе се оценува Законот за употреба на јазиците. Во име на владата ќе го претставам ставот дека законот е автентична рефлексија на Рамковниот Договор но и на потребата за создавање Европска мултиетничка и функционална држава“, објави Османи.

Првичното мислење на Венецијанската комисија за Законот за јазици е дека со истиот се даваат премногу права кои одат и преку стандардите на демократијата. Од таму велат дека тој е дури над европските стандарди и дека ресурсите за неговата употреба на сите нивоа во државата ќе бидат ограничени. Особено голем проблем би создал во правниот сообраќај во правосудниот систем.

На барање на Премиерот на Македонија, Зоран Заев, Венецијанската Комисија подготви мислење на последните измени на Законот за Јазици но конечните заклучоци се уште се доработуваат. Главната забелешка е поврзана со институциите, кои немаат јасна претстава во кои случаи треба да го практикуваат овој Закон, но како најголемиот проблем го гледаат во имплементацијата на истиот во судските постапки.