Бујар Османи убеден дека Бугарија нема да стави вето
Објавено во: Македонија 06 Мај, 2020
Вицепремиерот Бујар Османи вели дека Бугарија не планира да го попречува процесот на нашата земја за почеток на преговори со Европската Унија.
Османи рече дека Бугарија имала одредени забелешки, но дека нема намера да го блокира процесот.
Вели дека ако сакала Бугарија тоа можела да го направи уште на Самитот во март.
„Меѓутоа, се разбира дека ние сме го потпишале Договорот за добрососедство со Бугарија и ние имаме обврска да го исполниме тој договор, вклучувајќи и позитивни резултати од комисиите кои расправаат за историските теми“, изјави Османи на денешната прес-конференција.
Вели дека еден од предусловите за членство во Европската Унија се добрососедските односи и затворање на отворените прашања со соседите.
Од Бугарија неодамна имаше изјави кои го спорат македонскиот јазик, но и ликот и делото на херојот Гоце Делчев.