Објавени коефициентите за Нобеловата награда за мир: Заев и Ципрас со поголеми шанси од Папата, со помали од девојчето Грета
Објавено во: Македонија 12 Јуни, 2019
Според букмејкерите на „Ladbrokes“, кои ги објавија коефициентите, односно шансите за добивање на Нобеловата награда за мир, македонскиот и грчкиот премиер - Зоран Заев и Алексис Ципрас со заедничка номинација се наоѓаат на петтото место кај фаворитите за победа оваа година.
Шансите на двајцата премиери по вложените напори за склучувањето и реализацијата на Преспанскиот договор.се 6 отсто, односно за вложени 100 евра за победата на Заев и Ципрас, добивката ќе биде 1.800 евра.
Најголеми шанси за победа тинејџерката од Шведска, Грета Тунберг, со 33 отсто. Тоа значи дека за вложени 100 евра, добивката би била 300 евра. За Тунберг светот дозна кога таа започна штрајк со неодење во школо за климатските промени пред зградата на шведскиот парламент минатиот август, а нејзините пораки се мошне влијателни во светот.
Пред Заев и Ципрас, се уште и премиерката на Нов Зеланд, Џасинда Ардерн, кој е популарна по тоа што руши стереотипи, додека на третото и четвртото место се организацијата за бегалци УНХЦР и „Репортери без граници“.
За утеха на Заев и Ципрас е тоа што зад нив е Папата Франциск на шестата позиција според шансите.
Некои други букмејкери им даваат шанси и на претседателот на САД, Доналд Трамп, и канцеларката на Германија, Ангела Меркел, но со помали коефициенти.