Бундестагот го одобри почетокот на преговорите на Македонија со ЕУ
Објавено во: Македонија 26 Септември, 2019
Со 476 гласа за и 122 против, како и 16 воздржани пратеници, Бундестагот го одобри почетокот на преговорите на Македонија со ЕУ. Пратениците во исто време гласаа и за почеток на преговорите на Албанија.
Десетината говорници се согласија дека Северна Македонија и Албанија направиле напредок и дека на регионот Западен Балкан треба да му се овозможи приближување кон ЕУ.
На седницата во Бундестагот присуствуваше и вицепремиерот за европски прашања , Бујар Османи, кој беше поздравен од пратениците.