БУРА ВО ГЕРМАНИЈА: Повредени се најмалку 20 луѓе
Објавено во: Свет 13 Јуни, 2019
Бура беснее во Германија.
Најмалку 20 лица се повредени во бурата која ја зафати земјата, а силните ветрови и поплави, предизвикаа и материјална штета на северот.
Три жени и четворица мажи се тешко повредени откако паднала гранка во северната покраина Мекленбург-Западна Померанија. Едно лице поминало со полесни повреди.
Горен дел на дрво скршено од ветер, паднало врз гостите на отворена забава во близина на Берлин, при што се поведени 11 лица.
Германската престолнина беше погодена од бурата „Клаус”. Според германската метеоролошка служба, во Берлин дувал ветер со брзина од околу 110 километри на час.
Возовите на долги релации скоро два часа беа заглавени во централната станица во Берлин, откако невремето ја оштети техничката опрема и урна дрва врз шините.
Во Источна Германија, имало обилни дождови. Само во градот Варен за два часа наврнаа околу 35 литри дожд на квадратен метар.