Бутарис заврши во болница откако го тепаа националистички екстремисти
Објавено во: Балкан 20 Мај, 2018
Солунскиот градоначалник, Јанис Бутарис, е задржан во болница откако го нападнаа националистички екстремисти кои му нанеле повреди на главата, рацете и нозете.
Претседателката на градското собрание, Калипсо Гула, вели дека Бутарис присуствувал на комеморацијата за таканаречениот „Понтски геноцид“ – убиства на етнички Грци извршени од Турците за време на Првата светска војна и грчко-турската војна што следела потоа.
Гула објаснила дека повеќе од десет луѓе му пристапиле на 75-годишниот Бутарис и му рекле да го напушти настанот, а потоа го нападнале со шишиња. Бутарис е познат по својот силен анти-националистички став.
Таа објаснила дека градоначалникот паднал и добил повеќе удари во пределот на главата и нозете. Додала дека насобраните им свиреле на присутните политичари за време црковната богослужба која му претходела на настанот.