Цела Албанија сака во САД
Објавено во: Балкан 13 Декември, 2018
Во 2017-та рекорден број албански државјани кои аплицирале за имигрантска виза во САД. Во 2016 година, за американската зелена карта, пријава била поднесена од 246.129 албански жители, додека следната година бројот достигнал до 367.231.
Последното истражување вели дела дури 1,7 милиони Албанци сакаат да ја напуштат својата земја
Процентот на граѓани кои сакаат да ја напуштат Албанија е уште поголем од оној во некои земји погодени од граѓански војни.
Дури 60 отсто од граѓаните на Албанија би сакале да ја напуштат својата земја ако дојде до таква можност, според анкетата на Галуп Институтот за истражување на јавното мислење.
Според Галуп, ваквите резултати ја рангираат Албанија како четврта најголема земја меѓу земјите во светот чии граѓани сакаат да емигрираат, објави Танјуг.
Пред неа се само африканските земји од Сиера Леоне, Либија и Хаити, каде што нивото на сиромаштија е помеѓу 54 и 70 проценти.
Според бројките, ова би значело дека од вкупно 2.87 милиони жители, како што е во моментов во Албанија, околу 1.7 милиони сакаат да заминат.