НА ВРВОТ: Центар ги надмина другите општини и го стаса Аеродром по бројот на заболени
Објавено во: Македонија 26 Септември, 2020
Во општина Центар според последните податоци има 96 активни случаи, а толку заболени има моментално и во скопската општина Аеродром. Со ова практично Центар го стаса Аеродром и сега е општина која го има непосакуваниот примат на листата на скопски општини со најмногу активни случаи на лица заболени од Ковид-19.
Аеродром долго време беше општина со помалку заболени од општината Чаир која пак толку време беше лидер на оваа неславна листа. На почетокот на септември Аеродром го надмина Чаир на листата, а сега и Центар е на врвот.
Ако се анализираат податоците од Институтот за јавно здравје, по последното деноноќие во Аеродром и во Центар има по 96 активни случаи. Следува Гази Баба со 76 случаи, па Карпош со 67 активни случаи. Чаир е дури на четвртото место со 64 активни случаи.
Еве ги и другите општини - Кисела Вода – 61, Ѓорче Петров – 42, Бутел - 30, Шуто Оризари – 18, Студеничани – 9, Сарај – 12, Арачиново – 6, Илинден – 24, Сопиште – 3, Чучер Сандево – 5, Петровец – 6, Зелениково - 1.
Вкупната бројка на ковид дијагностицирани во нашата земја од почетокот на епидемијата изнесува 17.200, бројката на оздравени пациенти е 14.312, на починати е 712, а во моментов бројот на активни случаи во земјата изнесува 2.176.
Во Скопје активни се 625 случаи.