28 Март, 2024
0.0300

Централен регистар пријавил штета од „Таргет груп“ во ОЈО, износот заради истрагата засега е тајна!

Објавено во: Економија 29 Јули, 2021

Добивај вести на Viber

Сè она што го побарало ОЈО од Централен регистар, поврзано со овој случај, ние сме го доставиле. Со оглед на фактот што се работи за истражна постапка, би се воздржале од информации кои може да наштетат на истата, одговори ЦР. За потсетување ЦР преку МВР поднесе кривична пријава против „Таргет груп“ затоа што користи нивни податоци спротивно на закон туку и ги препродава преку платформата „Бизнис мрежа“ па и незаконски како извор на податоците го наведува ЦР

Централен регистар (ЦР) доставил до скопското Основно јавно обвинителсто се што од нив било побарано во врска со случајот против „Таргет груп“. Тоа подразбира дека оваа институција се произнела и за висината на оштетното побарување против „Таргет груп“, но износот на штета ЦР нема да го соопшти за да не се наштети на истражната постапка што ја водат обвинителството, соопшти Централен регистар за „Фактор“.

„Сè она што го побарало ОЈО од Централен регистар, поврзано со овој случај, ние сме го доставиле. Со оглед на фактот што се работи за истражна постапка, би се воздржале од информации кои може да наштетат на истата до нејзино завршување. За останатите информации би Ве упатиле во ОЈО како надлежен орган за водење на постапката“, пишува во одговорот на ЦР што интегрално го пренесуваме.

Како што досега „Фактор“ пишуваше во неколку наврати, Централен регистар пријавил незаконитости во работењето на „Тагрет груп“ до МВР. Од министреството направиле истрага, ги споредиле базите на податоци и поднеле кривична пријава до скопското Основно јавно обивнителство. ЦР пријавил дека  „Таргет груп“, не само што користи нивни податоци спротивно на закон туку и ги препродава преку платформата „Бизнис мрежа“ па и незаконски како извор на податоците го наведува ЦР.

Дури наведоа дека во повеќе наврати превземал мерки да ги заштити другите државни органи и институции, од според нив, злоупотребите на „Таргет груп“. Конкретно, ЦР реагирал во случаи кога државни институции распишувале тендери на кои Таргет Груп ДОО се јавува како економски оператор кој ги нуди податоците кои исклучиво Централен регистар ги води во своите регистри.

При тоа , без исклучок, државните институции реагирале така што по реакцијата на ЦР ги поништувале постапките за набавка на такви услуги на кои се јавувал „Таргет груп“.

Скопското ОЈО повтрди дека има постапка по кривична пријава од ЦР и дека е оформен предмет по кој се преземени дејствија во фаза на предистрага. Минатата недела во одговор за „Фактор“ од ОЈО наведоа дека чека Централен регистар да пријави висина на оштетно побарување против „Таргет груп“ и од тоа ќе зависи квалификацијата на кривичното дело како и можна затворска казна.

„Фактор“, согласно со стандардите за професионално известување пред објавата на првиот од низата текстови побара став и од „Таргет груп“, а нивниот одговор повторно интегрално го објавуваме.

„Почитувани,

Најпрвин Ви благодариме за Вашиот огромен интерес за компанијата Таргет Груп ДООЕЛ Скопје, Ви стоиме на располагање на сите Ваши прашања и нејаснотии.

Согласно Вашите прашања Ве известуваме:

Компанијата Таргет Груп ДООЕЛ Скопје работи согласно закон. Договорите кои ги има склучено компанијата Таргет ГРУП ДООЕЛ Скопје со трети страни се деловна тајна и истите неможеме да ги коментираме. Против нашата компанија Таргет Груп ДООЕЛ Скопје не се води никаков судски процес ниту пак сме биле повикани на распит во ОЈО. Изворот на податоци на платформата БизнисМрежа.мк претставуваат сите наши партнери и државни институции кои објавуваат или публикуваат податоци за правни лица од нашата држава, а истите се јавно достапни или јавно публикувани со што препродажбата на истите во обработена форма е целосно легална“.

Р.Ф.

Можеби ќе ве интересира

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

Просечна плата во АЕК надминува 1.000 евра

Просечна плата во АЕК надминува 1.000 евра

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон