Добивај вести на Viber
Централна Европа е зафатена од големи поплави кои се појавија поради обилните дождови деновиве. Епилогот е најмалку две загинати лица и десетина кои уште се водат за исчезнати.
Најпогодени се Австрија, Германија и Чешка.
Австрија е зафатена од поплави и порои од кал, а едно лице го загуби животот. Ова велат Австријците се најголеми поплави од 2002 година, а тешко се погодени сојузните австриски држави Горна Австрија, Тирол и Штаерска.
Источна и јужна Германија е под вода, прекинат е железничкиот сообраќај кон Австрија, а според најавите на надлежните на помош е можно да се вклучи и војската.
Водите од реката В'лтава продреа кон стариот дел на Прага, ограничен е јавниот сообраќај и затворена подземната железница. Голем дел од жителите во ризичните подрачја на Чешка се евакуирани. Во Прага е прогласено трето, највисоко, ниво на опасност, исто како и во 50 градови и места во Чешка.