Чавушоглу: Анкара нема да дозволи украдено жито да се носи во Турција
Објавено во: Свет 23 Јуни, 2022
Турскиот министер за надворешни работи, Мевлут Чавушоглу изјави дека Анкара ги истражува тврдењата дека украинското жито е украдено од Русија и дека нема да дозволи такво жито да се носи во Турција.
Амбасадорот на Киев во Анкара на почетокот на јуни рече дека турските купувачи се меѓу оние што добивале жито што Русија го украла од Украина, додавајќи дека побарал помош од Турција за да ги идентификува и фати лицата одговорни за наводните пратки.
Русија претходно ги отфрли обвинувањата дека украла украинско жито.
- Секое тврдење го сфаќаме сериозно и сериозно го истражуваме. Секој пат ја известуваме особено украинската страна - рече Чавушоглу на заедничката прес-конференција со британската министерка за надворешни работи Лиз Трус во Анкара, пренесува „Ројтерс“.
Украинското Министерство за надворешни работи веднаш не го коментираше ова прашање.
Русија и Украина сочинуваат речиси една третина од глобалните резерви на пченица, додека Русија исто така силно извезува вештачко ѓубриво и пченка и сончогледово масло од Украина. Но, украинските пратки со жито од нејзините пристаништа на Црното Море се запрени по инвазијата на Русија, при што се тврди дека се заглавени околу 20 милиони тони жито.
Чавушоглу рече дека Турција ќе се спротивстави на Русија или која било друга земја да земе украинско жито или друга стока и да ги продава нелегитимно на меѓународните пазари.
- Ние како Турција нема да дозволиме оваа стока да дојде кај нас - рече тој.