Чернобил наскоро ќе стане научно и туристичко место
Објавено во: Свет 10 Јули, 2019
Украинскиот претседател, Володимир Зеленски денеска потпиша декрет со кој се укинуваат претходните забрани за посета на чернобилската „зона на исклучување“.
Ова се однесува за зоната околу местото на катастрофата на нуклеарниот реактор во 1986 година и ќе се создаде „зелен коридор“ за туристите.
„Треба да го покажеме Чернобил на светот: на научниците, експертите за животна средина, историчарите и туристите“, изјави Зеленски.
Тој додаде дека денеска потпишал декрет „кој ќе го отвори процесот за трансформирање на зоната на исклучување во една од новите точки на раст во Украина“.
Зеленски вети дека Чернобил наскоро ќе стане научно и туристичко место, кое ќе биде „симбол на новата слобода во Украина – без корупција и ноторни забрани, но со инвестиции и иднина“.
Вели дека Чернобил, кој стана изненадувачки популарна туристичка дестинација, е голем извор на корупција.