Чесните студенти од Битола против онлајн полагање: Не сакаме во ист кош со манипулантите
Објавено во: Македонија 02 Април, 2020
Студентите од битолскиот универзитет, по претходно спорведена анкета, се против полагање на испитите преку онлајн врска со професорите. Студентските претставници се надеваат дека високообразовните институции и МОН ќе имаат разбирање за деликатноста на ситуацијата и ќе ги прифатат нивните барања
Ова особено го истакна претседателската на универзитетското студенско собрание при битолскиот универзитет Дона Петрова, која за Тв Тера вели дека онлајн проверката на знаењето не нуди гаранција за квалитетот на знаењето и може да ги стави во нееднаква положба студентите.
„Ние, студентите, сметаме дека онлајн проверка на знаењето не нуди никаква гаранција за квалитетот и ќе придонесе кон деградација на нашето знаење, труд и диплома. Доколку пристапиме кон онлајн проверка на знаењето, наставните кадри нема да имаат никаква контрола врз условите за спроведување на испитот, нема да постои никаков механизам кој ќе обезбеди целосен надзор врз начинот на полагање и ќе се овозможат манипулации со испитите,“ вели Петрова.
Студентите од Битола сметаат дека треба да с епочека да дојде лето и испитите да се полагаат непосредно и дека со он-лајн комуникацијата ќе ги стави во нееднаква положба студентите кои не располагаат со соодветни електротехнички уреди и брза интернет конекција.