ЧЕСТИТКИ ОД ЕКС ДИРЕКТОРОТ НА ТИРЗ ЈОВАН ДЕСПОТОВСКИ ЗА ВЛЕГУВАЊЕТО НА АБЕЕ ВО КИЧЕВО: „Влада го продолжува тоа што го започнавме“

Добивај вести на Viber

Поранешниот директор на Дирекцијата за технолошко-индустриски зони, Јован Деспотовски во изјава за Фактор упати шеститки за влегувањето на белгиската компанија во ТИРЗ Кичево, нагласувајќи дека континуитетот во реализацијата на вакви стратешки инвестиции е клучен за просперитетот на нашата земја.

-Им честитам на "Авеста Батерис енд Инжинеринг" (АБЕЕ) за официјалниот почеток на градежните работи во ТИРЗ Кичево. Особено ме радува што реализацијата на проектот се одвива според договорените рокови од Договорот за инвестиција, кој го потпишавме во мај 2023 година. Оваа инвестиција, со вкупна вредност од 40 милиони евра, претставува важен чекор за развој на регионот, носејќи над 600 нови работни места за нашите сограѓани. Ваквите проекти имаат директно влијание врз подобрување на животниот стандард на населението и отвораат нови перспективи за локалната економија. Она што е особено позитивно е дека новата Влада го продолжува тоа што го започнавме. Континуитетот во реализацијата на вакви стратешки инвестиции е клучен за просперитетот на нашата земја. Ова покажува дека кога во работата ја ставате Македонија на прво место, придобивките се за сите граѓани. Посакувам успешна и брза реализација на овој проект, со надеж дека истиот ќе биде пример за многу други инвеститори кои веќе ја препознааваат Македонија како стабилна и атрактивна бизнис дестинација, вели Деспотовски во изјавата.

„Avesta Battery and Energy Engineering“ е компанија која се занимава со развој, производство и инженеринг на батериски системи, особено за електрични возила и обновливи извори на енергија. Компанијата е позната по својата работа во производството на електрични батерии и нивните компоненти, како и во обезбедувањето на енергетски решенија за транспортот на иднината, посебно за автомобили на електричен погон.

Тие се дел од поширокиот тренд на глобално преминување на возила со нулта емисија, што ја охрабрува иновацијата во индустријата на батерии и енергија. Изборот на Македонија како локација за изградба на фабрика во Технолошко-индустриската развојна зона Кичево може да се толкува како дел од стратегијата на компанијата да се позиционира на растечкиот пазар на електрични возила во Европа и светот, како и да се искористат поволности во врска со локалните инвестиции и пристапот до Европската унија.