Четири авиокомпании го приземија авионот-убиец
Објавено во: Свет 12 Март, 2019
Етиопијан ерлајнс, чии 157 патници и членови на екипажот загинаа во авионската несреќа полетувајќи со Боинг 737 MAX 8, се приклучија на авиокомпаниите во Кина, Индонезија и Кајманските Острови, кои се одлучија привремено да го суспендираат користењето на овој нов, многу баран и досега мошне популарен модел на воздухоплов.
Истражителите се обидуваат да дознаам што е причина за несреќата на Боинг 737 во кој загинаа 157 патници и членови на екипажот. Боинг 737 MAX 8 е инволворан во втора авионска несреќа за пет месеци и постои извесен степен на сличност со таа во Индонезија.
Боинг 737 MAX 8, или кратенка на Боинг 737-8, на лет на Етиопијан ерлајнс од Адис Абеба во Најроби се урна во неделата само шест минути по полетувањето. Во октомври со истиот модел се случи истото, а тогаш авионот на Lion Air падна во морето во близина на Џакарта. Во тоа време, 189 лица ги загубија животите во 13-тата минута од летот.
"Иако не се знае причината за несреќата, решивме да го приземјиме овој модел на воздухоплов, како мерка за дополнителна безбедност", рече портпаролот на Етиопијан ерлајнс. Подоцна во „кратерот“ од несреќата беше пронајдена црната кутија.
Причината за последниот пад на авионот не е скоро позната. познатите информации се штури. Авионот покажал аномалии во т.н. вертикална брзина, односно стапка кон искачување и спуштање. Сведоците велат дека виделе дим од задниот дел на авионот.
Некои велат дека имал остро свртување. некои шпекулираат дека планирал да слета на блиската чистинка, но пилотот не успеа во тоа.